Aktorja amerikane Shannen Doherty u nda nga jeta në moshën 53-vjeçare pas një beteje të gjatë me kancerin. Lajmi është konfirmuar nga revista PEOPLE.
“Me zemër të rëndë konfirmoj vdekjen e aktores Shannen Doherty. Të shtunën, më 13 korrik, ajo humbi betejën me kancerin pas një beteje të gjatë me sëmundjen”, konfirmoi publicisti i Doherty, Leslie Sloan në një deklaratë ekskluzive për revistën PEOPLE. .
“Vajza, motra, tezja dhe shoqja e përkushtuar ishte e rrethuar nga të dashurit e saj si dhe nga qeni i saj, Bowie. Familja kërkon privatësinë e tyre në këtë kohë në mënyrë që ata të mund të pikëllohen në paqe”, vazhdoi Sloan.
Ylli i Beverly Hills 90210 u diagnostikua për herë të parë me kancer gjiri në vitin 2015.
Doherty u bë e famshme si Brenda Weiss në Beverly Hills 90210, i cili u shfaq premierë në tetor 1990. Doherty u largua nga shfaqja pas sezonit të katërt në 1994. /vizionplus.tv