Apnea e gjumit mund të jetë shumë serioze, pasi frymëmarrja ndalet dhe fillon përsëri disa herë. Nëse një person gërhit shumë dhe zgjohet i lodhur të nesërmen pavarësisht se nuk është zgjuar gjithë natën, me siguri vuan nga ky çrregullim të gjumi.
Megjithëse kjo gjendje njihet shumë pak, ka pasoja serioze për shëndetin, si rritja e rrezikut të sulmit në zemër ose goditje në tru.
Në thelb, njerëzit që vuajnë nga apnea obstruktive e gjumit (lloji më i zakonshëm) kanë probleme me frymëmarrjen dhe kjo ndodh sepse rrugët e sipërme të frymëmarrjes ngushtohen ose bllokohen në pjesën e pasme të fytit, gjë që zvogëlon rrjedhën e ajrit në mushkëri.
Refleksi i mbijetesës së trupit aktivizohet kur oksigjeni reduktohet, duke bërë që personi të zgjohet për të rifilluar frymëmarrjen.
Një person me simptoma të moderuara deri në të rënda mund të ketë 15 ose më shumë episode në orë. Zgjimi për një kohë të shkurtër është më mirë sesa të mos marrësh frymë, por ndikon në gjumin e qetë.
Cilat janë shenjat paralajmëruese të apnesë së gjumit?
Është vlerësuar se midis 85% dhe 90% e njerëzve që vuajnë nga apnea e gjumit nuk e dinë se e kanë atë. Më poshtë janë disa nga shenjat më të dukshme:
Specialistja Nancy Foldvary-Schaefer shpjegon se ata që vuajnë nga kjo gjendje në një nivel më të rëndë me siguri do të zgjohen duke u ndier sikur po mbyten.
Një tjetër shenjë është gërhitja! Jo të gjithë ata që gërhasin mund të vuajnë nga apnea e gjumit, por mund të jetë simptoma e parë e dukshme.
Ndërsa jeni zgjuar keni edhe simptoma të tilla si lodhje, ulje e performancës në aktivitetet e përditshme dhe ndryshime të humorit. Gjithashtu dhimbje koke në mëngjes dhe ndonjëherë probleme seksuale.
Gratë mund të kenë simptoma më delikate që janë zakonisht lodhje dhe që i atribuohen depresionit, kështu që mund të duhen deri në një dekadë për të marrë një diagnozë.