Flokët konsiderohen si gjysma e bukurisë për ne vajzat, kjo është arsyeja përse “investojmë” kaq shumë për përkujdesjen e tyre. Megjithatë kur ke flokë të hollë duket sikur çdo gjë që bën nuk jep rezultatin e duhur, por pasi të lexoni truket e mëposhtme do të ndryshoni mendje. Mjaftojnë disa veprime, të thjeshta në dukje, për të patur flokë të shëndetshëm dhe voluminozë. Ja për çfarë bëhet fjalë.
1. Mësoni të lani flokët në mënyrën e duhur
Ndoshta nuk e keni menduar më parë, por mënyra se si lani flokët mund t’u japë volumin e munguar flokëve të hollë. Living ju njeh me disa rregulla të thjeshta:
a.Hidhni shampo vetëm në rrënjë dhe më pas përhapeni në gjithë gjatësinë e flokut. Fundet e flokëve janë gjithmonë të thatë dhe më të brishtë, kështu që masazhojini ndërkohë që përdorni shampo.
b.Përdorni balsam flokësh ose maskë zbutëse në gjithë gjatësinë e tyre. Mos harroni ta aplikoni edhe në rrënjë pasi, kjo gjë i bën flokët më të rëndë dhe voluminozë.
c.Ndërkohë që lani flokët duhet të masazhoni vazhdimisht skalpin e kokës pasi ky veprim përmirëson qarkullimin e gjakut dhe largon qelizat e vdekura nga sipërfaqja e kësaj pjese të lëkurës.
2. Përdorni tharësen e flokëve vetëm nga poshtë
Ashtu sikurse larja, edhe tharja e flokëve ka një rëndësi të madhe për t’i bërë flokët e thatë të duken më voluminozë. Në qoftë se jeni mësuar t’i thani flokët duke vendosur tharësen përballë fytyrës apo në pjesën e pasme të qafës, tani duhet të bëni të kundërtën. Ulni kokën nga poshtë me flokët që ju bien thuajse në fytyrë dhe thajini në këtë mënyrë. Mos harroni që tharësja duhet të jetë 30 cm larg flokut.
3. Luani me gjatësinë e flokut
Gjatësia është një tjetër faktor që e bën flokun tuaj të duket akoma më i hollë nga ç’mund të jetë në të vërtetë. Sipas tyre prerja e flokut të hollë duhet të jetë deri tek shpatullat apo pak sipër tyre. Luani po ashtu me ngjyrën. Balayage apo shatush-i janë trende që i bëjnë flokët të duken me më shumë volum./Living/