Pavarësisht nëse keni qenë në shumë apo disa hotele, me siguri do të keni vënë re një gjë. Diçka që të gjitha dhomat e kanë të përbashkët. Çarçafët e bardhë dhe peshqirët e bardhë të përdorur në çdo hotel. Batanijet dhe perdet mund të kenë një ngjyrë të ndryshme, por pajisjet bazë të hotelit janë të bardha.
Nuk ka vetëm një arsye për këtë. Një nga arsyet kryesore është se e bardha shkon me gjithçka. Pra, dekorimi i dhomës është shumë më i lehtë. Mund të vendosni gjithçka që dëshironi në pjesën tjetër të hapësirës. Mobilje të errëta, perde shumëngjyrëshe dhe piktura të ndryshme.
Një arsye tjetër është se çarçafët e bardhë lahen më lehtë dhe konsumohen më ngadalë. Nuk ka frikë se do të zbehen apo do të humbasin ngjyrën e tyre nga larjet e shumta. Edhe sigurisht çarçafët e hotelit lahen shumë shpesh. Ato gjithashtu mund të lahen në temperatura më të larta për të eliminuar mikrobet pa i dëmtuar ato.
Këtu del një nga arsyet më të rëndësishme pse përdoret ngjyra e bardhë. Është fakti që ato ndoten shumë lehtë. Ju do të mendoni: A është kjo një gjë e mirë? Sigurisht! Është mënyra më efektive që hotelet të dëshmojnë se janë të pastër. Në ngjyrën e errët një klient mund të ndiejë se mund të fshihen njollat. Çarçafët e bardhë megjithatë kanë ngjyrën ideale që tregojnë nëse janë të pastra.
Ndër të tjera, shumica e dekoratorëve theksojnë se ngjyra e bardhë është e barabartë me qetësinë dhe relaksimin. Duke qenë se krevati është pjesa kryesore e mobiljeve në një dhomë hoteli, ngjyra e bardhë duhet të mbizotërojë patjetër në një farë mënyre. Gjithashtu, nëse çarçafët janë shumë të shndritshëm, hapësira mund të duket shumë e zënë. Kjo padyshim e bën pak më të vështirë relaksimin. Dhe në hotele, qëllimi kryesor është pushimi.
E sigurt është se çarçafët e bardhë në dhomat e hoteleve krijojnë një ndjenjë pastërtie që kërkon çdo klient./vizionplus.tv
