Teksa temperaturat sa vijnë dhe rriten, aq më të vështirë e kemi që të motivohemi dhe të përqendrohemi në punë. Mirëpo, më poshtë do të gjeni disa këshilla se si të qëndroni produktiv në punë gjatë verës.
Kini objektiva të qarta!
Është e vështirë të qëndroni të motivuar nëse nuk e shikoni projektin tuaj në një mënyrë akoma më të fokusuar. Nëse qëllimet, objektivat ose rezultatet nuk janë të qarta, bëhet shumë e lehtë për ta zvarritur dhe nuk do të duhet shumë kohë që puna juaj të grumbullohet.
Kjo në fakt nuk ndodh vetëm gjatë verës, por në çfarëdolloj stine. Mos i zvarrisni gjërat pasi motivimi dhe fokusi do të humbasin.
Shmangni mbingarkesën
Kjo është më e lehtë të thuhet sesa të bëhet, e di!
Do të jeni më të përqendruar dhe më produktivë nëse nuk jeni të mbingarkuar.
Nëse po përpiqeni të shpërndani kohën tuaj midis disa projekteve, mund të jeni duke e vendosur veten në vështirësi dhe në rrezik për të dështuar. Si do ta menaxhosh kohën nëse të duhet të bësh disa gjëra njëkohësisht?
Përqendrohuni në aktivitetet e duhura
Ku duhet ta shpenzoni kohën dhe aftësitë tuaja? Nëse përqendroheni te projektet e duhura, atëherë qëllimet tuaja do të përmbushen.
Jini të orientuar drejt qëllimit
Shkruajeni axhendën tuaj për të qenë më të organizuar.
Ndryshoni pak nga përditshmëria juaj!
Nëse nuk ndiheni shumë të motivuar, provoni të ndryshoni pak përditshmërinë tuaj. Mund të merreni me ndonjë aktivitet fizik- gjatë pasdites për shembull nëse në zyrë shkoni që në mëngjes- që në fakt mund t’ju ndihmojë dhe në largimin e stresit të një detyre që po kryeni.
Keni nevojë për pak pushim.
Shpesh na ndodh të punojmë me orë të zgjatura, apo të përfshihemi në shumë projekte. Ndonjëherë ndiheni të lodhur dhe të pamotivuar, kështu që merrni pak kohë për pushim.
Ju mund të dilni 30 minuta nga zyra për një pushim të shkurtër dhe më besoni- do të ndiheni shumë më mirë.
