Kur bëhet fjalë për të shprehur veten në internet, asgjë nuk e ndryshoi lojën më shumë sesa prezantimi i emoji-ve. Dhe me grupin e ri të emoji-ve që do të publikohet në javët e ardhshme, disa përdorues të iPhone që zakonisht janë margjinalizuar më në fund do ta shohin veten të përfaqësuar!
Apple është vendosur të lëshojë 37 emoji të reja, duke përfshirë dy që lidhen me shtatzëninë. Njëra paraqet një burrë shtatzënë dhe tjetra një person shtatzënë, të dyja të krijuara për të kuptuar se jo të gjithë njerëzit që mbeten shtatzënë janë gra – disa janë burra trans. Gjithashtu, emojit e familjes që dikur shfaqeshin si figura të burrit, gruas dhe fëmijës tani përfaqësohen me silueta pa gjini.
Emoji-t e rinj janë aktualisht në dispozicion për përdoruesit e iPhone që marrin pjesë në versionet beta, por së shpejti do të jenë të disponueshme për të gjithë përdoruesit me iOS 15.4.
Ky nuk është hapi i parë që Apple ka ndërmarrë për t’i bërë emoji-t e saj më gjithëpërfshirëse dhe neutrale ndaj gjinisë . Në vitin 2019, Apple shpërndau dhjetëra prej tyre me simbole të shurdhër dhe të verbër, si dhe opsione androgjene për secilin prej emoji-ve me një njeri.
Këto emoji të reja argëtuese janë pritur me lavdërime nga komuniteti LGBTQ+.
Sidoqoftë, emoji i ri i burrit shtatzënë është përballur me një përzierje reagimesh në internet.
“Fjalët më mungojnë”, shkroi Piers Morgan , i cili njihet për mesazhet e tij të krahut të djathtë dhe transfobik./vizionplus.tv
