Është shuar zjarri që ka përfshirë kazermën e braktisur të ish gjykatës për kundërvajtje në parkun e Shkupit, njofton “Telma”.
Sipas informacioneve fillestare, zjarri ka përfshirë edhe një pjesë të hotelit Tomçe Sofka. Dëme materiale ka, ndërsa nuk ka të lënduar as në mesin e zjarrfikësve dhe as në personat që ndodheshin aty pranë në parkun e qytetit të Shkupit për shkak të ditës me diell dhe të kthjellët.
Kazerma është në pronësi të Gjykatës Themelore Penale – Shkup, ndërsa brenda ka pasur dokumentacione të ngelura pas zhvendosjes së departamentit për kundërvajtje në objektin e gjykatës së vjetër penale.
Nga njësia e zjarrfikësve të Shkupit thonë se kanë pasur probleme me hidrantët e rrugës, për shkak të të cilave uji është dashur të futet në cisternat e Ndërmarrjes Publike Higjiena Komunale. Hidranti i sipërm përreth objekteve aty pranë nuk funksiononte dhe hidranti më i afërt i duhur ishte me Ministrinë e Bujqësisë.
Në vendin e ngjarjes po kryhet hetim./Telegrafi/
The post Zjarri në parkun e Shkupit është shuar përkundër hidranteve jofunksionale appeared first on Telegrafi.