Kryeministri Zoran Zaev, bashkërisht me zëvendësin e tij për Çështje Evropiane, Nikolla Dimitrov dhe ministrin për Punë të Jashtme, Bujar Osmani, sot u takua edhe me presidentin bullgar, Ruman Radev në kuadër të vizitës së punës në Sofje.
Sipas njoftimit qeveritar, në takim është theksuar se vizita e delegacionit të Maqedonisë dhe Bullgarisë në nivel të lartë është me rëndësi dhe vjen në moment kur dinamika e fuqishme e kontakteve dhe dialogu është me rëndësi të madhe mes dy vendeve.
“Dy bashkëbiseduesit në takim theksuan se perspektiva e qartë evropiane e Maqedonisë së Veriut është e rëndësishme për Bullgarinë dhe realizimi i kësaj perspektiva i konvenon të ardhmes së përbashkët të dy vendeve”, thuhet në njoftimin e Qeverisë.
Zaev në takim ka theksuar se ndërtimi i miqësisë mes dy popujve vëllazëror është obligim i liderëve që para vete duhet ta kenë perspektivën e të rinjve./Telegrafi/
The post Zaev – Radev: Kemi obligim që të ndërtojmë miqësi mes dy popujve vëllazëror appeared first on Telegrafi.
