Kryeministri Zoran Zaev në profilin e tij në Facebook dërgoi porosi me rastin e Ditës ndërkombëtare të demokracisë.
Në vitin kur Republika e Maqedonisë së Veriut feston 30 vite pavarësi dhe pjesëmarrje të pavarur në jetën e bashkësisë së popujve, shkruan Zaev, e festojmë edhe parimin e madh – se demokracia vjen nga populli për t’i shërbyer popullit.
Sipas Zaevit, dita e sotme është përkujtues se demokracia është dialog i dykahshëm mes qytetarëve në shoqëri, përfaëqsuar nga përfaqësuesit politik për të sunduar udhëheqja e mirë.
“Në Republikën tonë të Maqedonisë së Veriut demokracinë e ndërtojmë në inkluzivitet në barazi të të gjithëve pa përjashtim, dhe vetëm si e tillë është themel për zhvillim të qëndrueshëm dhe për respektim të të drejtave të njeriut. Kultivimi i demokracisë dhe institucioneve demokratike e përforcon kohezionin në shoqërinë tonë dhe e ndan prioritetin për bashkim në mënyrë që t’i realizojmë interesat kryesore shtetërore dhe prioritet kryesore nacionale”, shkruan Zaev.
The post Zaev për Ditën e demokracisë: E ndërtojmë për barazinë e të gjithëve appeared first on Telegrafi.