– Kryetari i Qeverisë së Republikës së Maqedonisë së Veriut, Oliver Spasovski të gjithë qytetarëve nga besimi islam ua uroi festën e madhe myslimane, Fitër Bajramin.
Spasovski, në video urim, porosit se sivjet Fitër Bajrami, si festë të përtëritjes së forcës shpirtërore ka rëndësi të madhe për shkak të pandemisë së KOVID-19 dhe bën thirrje në respektim të rekomandimeve që ta mbrojmë veten, të
afërmit tanë dhe të gjithë rreth nesh.
“Të gjithë besimtarëve të besimit islam në vendin tonë, në emrin tim dhe në emër të Qeverisë së Republikës së Maqedonisë së Veriut, dërgoj urime më të sinqerta me rastin e festës së madhe mysalimane Fitër Bajrami. Sivjet Fitër
Bajrami, si festë e ripërtëritjes së forcës shpirtërore e cila e përforcon besimin e njerëzve në të mirën, realitetin, drejtësinë dhe nxit dëshirë për respekt të ndërsjellë, mirëkuptim, solidaritet, ka rëndësi të madhe për shkak të krizës aktuale shëndetësore-ekonomike të shkaktuar nga pandemia KOVID-19. Muaji i shenjtë i Ramazanit është më fisnik dhe muaji më i gëzuar nga besimi islam”, ka thënë Spasovski.Në fund më lejoni t’ju dëshiroj që ditët festive t’i kaloni në lumturi dhe mirëqenie në shtëpi, me shëndet të mirë dhe forcë shpirtërore!
Bajram Sherif Mubarek Olsun – Le të jetë i bekuar dhe urime festën e Fitër Bajramit, thuhet në urimin e kryeministrit Spasovski./MIA
