Kryetari i PDSH-së Menduh Thaçi, sot e ka pritur në takim ambasadorin e Francës në Shkup, Christian Thimonier.
Siç njoftojnë nga PDSH, në takim u bisedua për hapat e mëtutjeshme të formimit të qeverisë së Maqedonisë së Veriut, me qëllim të vazhdimit sa më të shpejtë të reformave në rrugën e vendit drejt BE-së, si dhe për situatën politike, ekonomike dhe financiare në vend dhe në rajon.
Nga PDSH thonë se theks i veçantë në takim iu kushtua edhe situatës shëndetësore në vend, me pandeminë COVID-19.
“Kryetari Thaçi, siguroi ambasadorin Thimonier, se PDSH ngelet e përkushtuar në synimet e saj dhe në përkushtimin për një shtet të së drejtës, si dhe në vazhdimin e rrugës drejt integrimeve evropiane”, thuhet në njoftim./Telegrafi/
The post Thaçi në takim me ambasadorin francez, diskutojnë për qeverinë e re dhe situatën me pandeminë appeared first on Telegrafi.