Pas të shtënave të mbrëmshme në Çair të Shkupit, ku mbeti i plagosur një person, OBRM-PDUKM-ja në pushtet akuzon se “të shtënat e bandave të lira rreth Shkupit janë lëndë djegëse e drejtpërdrejtë për marrëdhëniet e LSDM-së me nëntokën e Shkupit dhe grupet e rrezikshme”.
“LSDM bëri manjatë nga bandat në Shkup duke paguar borxhin për zgjedhjet e vitit 2016 kur po këta banditë ishin në krye të selisë së LSDM-së në mbarë Shkupin”, thuhet në njoftimin e sotëm të OBRM-PDUKM-së.
Nga atje akuzojnë edhe ish-sekretarin e përgjithshëm të LSDM-së, Mile Zeçeviq, dhe ish-ministrin e Punëve të Brendshme, Oliver Spasovski, për të cilët thonë se kanë qenë plotësisht të informuar me këto çështje, ndërsa banditët kanë punuar si degë të tyre. derisa u bënë më të fuqishëm se ata.
“LSDM, ndërsa merr pilulat për të harruar, të mos mendojë se po i merr edhe i gjithë kombi. Populli e mban mend, sidomos shkupjanët dhe veçanërisht fëmijët e vegjël dhe prindërit, fëmijët e të cilëve shohin drejtpërdrejt se çfarë po ndodh në rrugët e Shkupit dhe se si është bërë më e lehtë blerja e drogës se sa një anallgin”, thuhet në njoftim.
Reagimi i OBRM-PDUKM-së erdhi pasi LSDM akuzoi sot se me këtë pushtet rrugët e Shkupit janë kthyer në “perëndim i egër”.
The post Të shtënat në Çair, OBRM-PDUKM: LSDM krijoi banda kriminale në kryeqytet appeared first on Telegrafi.