Kandidati për president nga koalicioni “VLEN”, Arben Taravari i ka kërkuar publikisht oponentit të tij Bujar Osmani që të nënshkruajnë publikisht vetingun për politikanët, për gjyqtarët dhe prokurorët, shkruan Telegrafi Maqedoni.
“Unë e pyes publikisht pse nuk e kanë bërë deri tash. Kanë mundur ta bëjnë për 20 vjet, 10 vjet apo shtatë vjet. Unë e kamë ftuar disa herë Bujar Osmanin hajde të nënshkruajmë prej tash veting edhe për politikanët, edhe për gjykatësit edhe për prokurorët”, tha Taravari duke u përgjigjur në pyetjen e gazetarëve.
Tarvari tha se Bujar Osmani dhe BDI që 10 vite premtojnë veting dhe se bëjnë, pse tani kërkojnë mandat për ta bërë.
“E kisha lutë Bujar Osmanin që kur të flet për veting, posaçërisht të politikanëve le t’i shef listat, sepse qytetarët shohin listat e deputetëve të BDI-së”, theksoi Taravari.
Taravari tha se VLEN në qeverinë e ardhshme do të bëjë vetingun./Telegrafi/
The post Taravari: Kam ftuar disa herë Bujar Osmanin që të nënshkruajmë vetingun për politikanët dhe gjyqtarët appeared first on Telegrafi.