Svetllana Zhupanoska, bashkëpunëtore gjyqësore në Gjykatën Themelore Civile – Shkup mori mbështetjen e anëtarëve të Komisionit parlamentar për zgjedhje dhe emërime. Në kuadër të seancës së sotme filloi debati edhe për kandidaten e dytë, Keti Petkova, avokate nga Gjevgjelia për anëtare të Këshillit të prokurorëve publikë.
Para fillimit të votimit për Zhupanoskën, koordinatori i Grupit parlamentar të OBRM-PDUKM-së, Nikolla Micevski në vërejtjen procedurale tha se kryetarja e Komisionit, Marija Georgievska po shkel procedurën, duke theksuar se duhet të lejojë të përfundojë debati për të gjithë kandidatët e paraqitur për t’u dhënë atyre mundësinë dhe trajtimin e barabartë dhe në fund çdo deputet të votojë për kandidatin e caktuar.
Në debatin për kandidatin e dytë, Micevski tha se Keti Petkova është kandidate e cila për një periudhë të caktuar është shkarkuar nga i njëjti Këshill i prokurorëve publikë si prokurore dhe se Keti Petkova duhet të paraqitet si propozim për anëtare të Këshillit të prokurorëve publikë.
Deputeti i OBRM-PDUKM-së, Dajanço Eftimov theksoi se ata që duhet t’i bëjnë këto reforma dhe t’i zbatojnë, nuk janë të njohur me rregulloret pozitive ligjore dhe nuk dinë t’i zbatojnë.
“Prisni që këta kandidatë që do të hyjnë në Këshillin e prokurorëve publikë t’i avancojnë, shkarkojnë, sanksionojnë ose shkarkojnë prokurorët publikë në Republikën e Maqedonisë”, tha Eftimov.
Kandidatë për anëtarë të Këshillit të prokurorëve publikë, përveç Zhupanoskës dhe Petkovës është edhe Mitko Mitrevski, sekretar i përgjithshëm i Prokurorisë publike. Nga tre kandidatët e paraqitur, anëtarët e Komisionit parlamentar për zgjedhje dhe emërime duhet të zgjedhin dy për të plotësuar vendet vakante në Këshill për shkak të pensionimit të dy anëtarëve të saj.
The post Svetllana Zhupanoska e kaloi filtrin e komisionit për anëtare të Këshillit të prokurorëve publik appeared first on Telegrafi.