Ministria e Punëve të Brendshme po ndërmerr masa intensive për gjuhën e urrejtjes, veçanërisht për zbatimin e Strategjisë për siguri kibernetike, gjë që mundëson që shumë qytetarë që njohin apo indetifikojnë ndonjë person që përhap gjuhë të urrejtjes, ta raportojnë atë.
Ministri i Punëve të Brendshme, Oliver Spasovski tha se grupi më i sulmuar me gjuhë të urrejtjes janë pjesëtarë të komunitetit LGBT, pasi në periudhën janar-maj të këtij viti për veprat e përhapjes së materialit racist dhe ksenofobik përmes sistemit kompjuterik ka tetë krime dhe tetë autorë, ndërsa në të njëjtën periudhë të vitit 2021 për gjuhën e urrejtjes ka pasur 14 vepra penale dhe 13 kryerës.
“Kemi një krim që rrezikon sigurinë në mënyrë elektronike, një krim dhe një autor, ndërsa në vitin 2021 ka pasur dy krime të tilla. Duke shkaktuar urrejtje, përçarje apo mostolerancë në baza fetare, kombëtare, racore dhe të tjera diskriminuese.Vitin e kaluar kemi pasur një krim dhe një kryes, ndërsa këtë vit nuk e kemi”, tha Spasovski.
Ministri thotë se duhet pranuar se ka më shumë gjuhë të urrejtjes dhe kërcënime ndaj pjesëtarëve të komunitetit LGBT, duke mos përjashtuar as grupet e tjera të qytetarëve të cilët stigmatizohen apo ofendohen për shkak të virtyteve të ndryshme që i kanë.
Nga janari i vitit 2020 deri në maj të vitit 2022 janë regjistruar tetë ngjarje të lidhura me komunitetin LGBT në zonën e SPB Shkup dhe SPB Tetovë, katër nga këto ngjarje janë zbardhur plotësisht.
“Janë ngritur tri kallëzime penale dhe një kallëzim në Prokurorinë Publike”, tha Spasovski, duke shtuar se në këto ngjarje janë paraqitur pesë persona, dy prej tyre për dhunë, dy për shantazh dhe një për fajde.
Ministri po ashtu shtoi se ka regjistruar një ngjarje për rrezikim të sigurisë në Tetovë dhe rasti është zbardhur.
“Ka veprime edhe në katër raste për të cilat po mblidhen prova shtesë. Kjo është gjendja faktike lidhur me veprimin. Të gjithë së bashku duhet të kontribuojmë në luftimin e kësaj situate, veçanërisht në fushën e ndërgjegjësimit të publikut dhe publikut, duke shtuar se gjuha e urrejtjes është më e shpeshta në mediat sociale”, u shpreh Spasovski.
The post Spasovski: Po ndërmerren masa urgjente për parandalimin e gjuhës së urrejtjes nëpër rrjete sociale dhe jo vetëm appeared first on Telegrafi.