Profesori Aleksandër Spasenovski vlerëson se për vendin tonë, numri prej 5 nënkryetarësh është i lartë duke marrë parasysh se nuk bazohet në nevojat administrative të punës së Kuvendit. Sipas Spasenovskit, kjo nuk përkon as me nevojën për racionalizimin e posteve në vendin tonë, duke filluar nga numri i ministrave por edhe ai deputetëve.
Kriteret për numrin prej 5 nënkryetarëve janë në mënyrë më të madhe politike dhe më pak administrative, ose kritere që lidhen me përmirësimin e performancës së Kuvendit. Demokracia është punë e shtrenjtë, me këtë pajtohem. Por numri prej 5 nënkryetarësh paraqet zgjidhje politike që ka për qëllim t’i kënaqë të gjithë segmentet dhe partitë politike që janë pjesë e shumicës. Çështja e nënkryetarit e hap debatin e madh për racionalizimin e institucioneve në vendin tonë, duke u nisur nga numri i ministrave, numri i deputetëve, deri te numri i nënkryetarëve”, tha Aleksandër Spasenovski./Alsat/
The post Spasenovski: Numri i nënkryetarëve në Kuvend, i lartë appeared first on Telegrafi.
