Sindikata e Policisë së Maqedonisë së Veriut ka kërkuar masa për mbrojtjen e policëve si dhe rritjen e rrogave të tyre për 20% për muajt mars dhe prill.
Sindikata i ka bërë thirrje ministrit të brendshëm, Naqe Çulev që menjëherë të ndërmerren masa të forta dhe aktivitete për mbrojtjen e policëve në terren, pasi që së fundi edhe disa prej tyre rezultuan pozitiv me koronavirusin.
Më tej kërkohet që edhe policët duhet të marrin rrogë më të lartë për 20% për muajt mars dhe prill, pasi që ata gjatë kësaj periudhe të pandemisë po qëndrojnë krah për krah me punonjësit e shëndetësisë. (INA)
