“Rritja e numrit të të infektuarve me coronavirus në rajonin e Gostivarit është alarmante dhe duhet të zbatohen aktivitete shtesë për respektimin e masave për mbrojtje nga virusi”.
Ky është njëri nga vlerësimet e Shtabit të Krizave për Komunën e Gostivarit, Vrapçishti, Mavrova dhe Rostusha. Në tre komunat sipas numrave të fundit të autoriteteve shëndetësore, ka rreth 200 raste aktive, prej të cilëve 22 trajtohen në spital, përcjell Telegrafi Maqedoni.
Shtabi i Krizave për këto komuna sot e ka shqyrtuar situatën me coronavirusin, pas tre muajve pauzë për shkak të zgjedhjeve.
Përfaqësuesit e komunave dhe institucioneve kanë konstatuar se ka rritje të numrit të të infektuarve të rinj, me çka është rritur për tre herë më shumë në krahasim me javën paraprake.
Kryetari i Komunës së Mavrovës Medat Kurtovski, bëri apel tek qytetarët për rritjen bashkëpunimit me epidemiologët dhe të mos i fshehin simptomat dhe kontaktet./Telegrafi/
The post Shtabi i Krizave në Gostivar: Gjendja me pandeminë mbetet alarmante appeared first on Telegrafi.
