Ministria e Punëve të Brendshme sot ka dalë me informacione në lidhje me aksidentin e djeshëm në rrugën “Franklin Roosevelt” në Shkup, ku humbi jetën mjeku 32-vjeçar Trajçe Neskovski.
Siç thonë nga MPB, aksidenti ndodhi pasditen e djeshme në orën 16:45 mes një automjeti “Citroen” me targa të Gostivarit, i drejtuar nga T.N. (32) nga Gostivari dhe një automjet “Opel” me targa të Strumicës, i drejtuar nga G.K. (34) nga fshati Prosenikovo, rajoni i Strumicës.
“T.N ka marrë lëndime të rënda trupore, me çka është dërguar në klinikën Nënë Tereza, ku edhe ka ndërruar jetë. Lëndime trupore ka marrë edhe G.K, i cili është dërguar në spitalin shtetëror ‘8 Shtatori’”, thonë nga MPB.
Ata shtojnë se është kryer hetim në vendin e aksidentit nga SPB Shkup dhe Prokuroria Publike, ndërsa trupi i viktimës është dërguar për autopsi.
Ndryshe, mjeku Trajçe Neskovski ka punuar në departamentin e të sëmurëve me COVID-19 në spitalin për fëmijë në Kozle.
Për vdekjen e tij, dje shprehën ngushëllime edhe funksionarët qeveritar./Telegrafi/
The post Shkup: MPB me detaje për aksidentin ku humbi jetën mjeku Trajçe Neshkovski appeared first on Telegrafi.
