Ministria e Punëve të Brendshme ka njoftuar, se gjatë ditës së ka arrestuar dy persona, të cilët gjatë protestës së djeshme kanë sulmuar fizikisht nëpunës policorë.
“Më 25.04.2021 nga ana e nëpunësve policorë të SPB Shkup janë arrestuar D.K.(22) dhe M.Ll.(23) nga Shkupit, për shkak se në protestën e djeshme në Shkup me mjete të forta kanë sulmuar nëpunës policorë të cilët kanë qenë pjesë e kordonit policor”, njoftojnë nga MPB-ja,
Për këtë, e kanë njoftuar edhe prokurorin publik, dhe nën udhëzimet e tij, personat janë mnajtur në stacion policor. Pas marrjes së urdhrit gjyqësor, është kryer edhe bastisje në shtëpinë e M.Ll. dhe pas dokumentimit të rastit, kundër tyre do të parashtrohet kallëzim penal adekuat.
The post Shkup: Arrestohen dy persona që sulmuan policët në protestën e djeshme appeared first on Telegrafi.
