Ministri për Shoqëri Informatike dhe Administratë, Jeton Shaqiri, ishte i ftuar sot në ceremoninë e ndarjes së certifikatave, për ndjekje të trajnimit për përkthim dhe lekturim nga gjuha maqedonase në gjuhën shqipe dhe nga gjuha shqipe në gjuhën maqedonase, organizuar nga Agjencia e zbatimit të gjuhës.
Sipas njoftimit të MSHIA-s, si rezultat i përmbushjes së detyrimit që vjen nga Ligji për zbatimin e gjuhëve, të gjitha institucionet në vend duhet të krijojnë sektorë dhe vende të reja pune.
Ministria për Shoqëri Informatike tashmë ka krijuar njësinë e saj, në funksion të zbatimit të gjuhëve, dhe është e përkushtuar dhe e gatshme në mënyrë maksimale për të ndihmuar dhe mbështetur secilin institucion në vend për krijimin e këtyre sektorëve.
“Njëherit gjej rastin të përgëzoj të gjithë të punësuarit që ndoqën këtë trajnim të rëndësishëm, i cili është mëse i nevojshëm për zhvillimin e tyre profesional”, tha Shaqiri./Telegrafi/
The post Shaqiri: Do të mbështesim maksimalisht krijimin e sektorëve me funksion zbatimin e gjuhëve nëpër institucionet shtetërore appeared first on Telegrafi.
