Kryetari i Aleancës për Shqiptarët, Ziadin Sela kërkon mirëkuptim nga kryeministri i Kosovës, Avdullah Hoti për vendimin qeveritar të Maqedonisë në të cilin shtetasit e Kosovës gjatë hyrjes në Maqedoninë e Veriut duhet të dorëzojnë test PSR negativ jo më të vjetër se 72 orë.
Siç shkruan Sela në ‘Twiter’, këto masa janë të motivuara politikisht për shkak frikës nga zgjedhjet e 15 korrikut, njofton Telegrafi Maqedoni.
“Masat kufizuese të Qeverisë së Maqedonisë për shtetasit e Kosovës në kufij janë të motivuara politikisht nga frika e zgjedhjeve. Kërkoj mirëkuptimin e kryeministrit Avdulla Hoti”, shkroi Sela duke shtuar se barrierat mes neve do të mbesin në histori pas 15 korrikut.
Ndryshe, më 26 qershori Maqedonia e Veriut i hapi kufijtë pa kërkuar test PSR për coronavirusin dhe 14 ditë izolim, por për shkak të situatës, prej dje ka hyrë në fuqi vendimi qeveritar ku për shtetasit e Kosovës, Serbisë, Malit të Zi dhe Bosnjës gjatë hyrjes në kufi të Maqedonisë kërkohet test PSR jo më i vjetër se 72 orë.
Sipas ministrit të Shëndetësisë, Venko Filipçe kjo masë është marrë duke u bazuar në informacionet për coronavirusin në këto vende dhe ka për qëllim mbrojtjen e qytetarëve./Telegrafi/
Restrictive measures enforced by gov on
citizens at common borders are corona politics motivated by fear of election. I plead PM @Avdullah to not retaliate &further penalise citizens at a time when families are reuniting. After 15/07, such barriers between us will be history.
— Ziadin Sela (@ZiadinSela) July 10, 2020
The post Sela njofton kryeministrin Hoti se pas 15 korrikut do të hiqen barrierat mes Maqedonisë së Veriut dhe Kosovës appeared first on Telegrafi.
