Udhëheqësit e bashkësive fetare në Maqedoni dhe ministri i Shëndetësisë Bekim Sali, sot kanë bërë thirrje te qytetarët që të vaksinohen kundër coronavirusit.
Sali së bashku me krerët fetar, kanë ftuar çdo qytetarë që seriozisht ta merr nevojën për vaksinim, përcjell Telegrafi Maqedoni.
“Në kohën e pandemisë kur thuajse çdo njëri nga ne është goditur nga virusi, dëshiroj që së bashku të bëjmë thirrje që çdo qytetarë ta kuptojë seriozisht nevojën për vaksinim dhe t’i përgjigjet thirrjes sonë”, tha mes tjerash ministri Sali.
Kreu i BFI-së Shaqir Fetahi, i pyetur nëse gjatë lutjeve, ju bëjnë thirrje besimtarëve që të vaksinohen, tha se që nga fillimi i pandemisë i kanë respektuar të gjitha rekomandimet e OBSH-së.
Ndërsa kreu i Kishës Ortodokse Maqedonase, Stefan, i ftoi të gjithë besimtarët që t’u përmbahen masave të vendosura nga institucionet e vendit./Telegrafi/
The post Sali së bashku me krerët fetarë ftojnë qytetarët të vaksinohen kundër COVID-19 appeared first on Telegrafi.