Kryetarja e Prokurorisë për Ndjekjen e Krimit të Organizuar dhe Korrupsionit të Lartë, Vilma Ruskovska gjatë intervistës së saj në “TV24” ka folur për rastin e Sekretarit të Përgjithshëm të Qeverisë Muhamed Zeqiri.
Ruskovska deklaroi se “ai që punon me ndershmëri nuk duhet të ketë frikë nga asnjë funksion”.
“Hetimi ka zgjatur disa muaj, inspektorët kanë punuar së bashku me një koleg për mbledhjen e provave. Nuk mendoj se këto janë kalkulime politike, ka prova të mjaftueshme se kemi të bëjmë me një krim. Dy ditë para hapjes së hetimeve, njëri nga të dyshuarit është larguar nga vendi. Dëmi i buxhetit është rreth 57 milionë denarë, gati një milion euro”, tha Ruskovska.
Kujtojmë se Gjykata Penale ndaj Muhamed Zekirit shqiptoi masën e paraburgimit në afat prej 30 ditësh në burgun e Shutkës. Zekiri dorëzoi ankesë për masën e paraburgimit, për të cilën do të vendosë sot Këshilli Penal./Telegrafi/
The post Ruskovska për Zekirin: Nuk ka kalkulime politike, dëmi është rreth 57 milionë denarë appeared first on Telegrafi.
