Ministri gjerman për çështje evropiane Michael Roth tha se vendi i tij shpreson që konferenca e parë ndërqeveritare me Maqedoninë e Veriut dhe Shqipërinë do të zhvillohet këtë vjeshtë, informon AIM nga Brukseli.
Roth, sot po merr pjesë në një konferencë mbi procesin politik të Bashkimit Evropian, në të cilën biseduan edhe për vendimin pozitiv për të filluar negociatat me dy vendet, përcjell Telegrafi Maqedoni.
“Isha i pakënaqur që disa vende të shquara anëtare të BE-së nënvlerësuan rolin e Ballkanit Perëndimor në paqen dhe stabilitetin e Evropës. Është në interesin tonë të përbashkët të stabilizojmë Ballkanin Perëndimor”, tha ministri gjerman për Evropën, vendi i të cilit merr përsipër presidencën e BE-së më 1 korrik nga Kroacia.
I pyetur nga nëse ekzistonte një perspektivë që Maqedonia e Veriut të fillonte negociatat gjatë presidencës së Gjermanisë në BE, Roth tha po.
“Ne kemi dhënë dritën e gjelbër për Maqedoninë e Veriut dhe Shqipërinë, ishte shumë e vështirë të bindesh partnerët tanë në BE, dhe shpresoj që ne do të jemi në gjendje të fillojmë zyrtarisht negociatat me konferencat e para ndërqeveritare gjatë presidencës gjermane, mbase në vjeshtë dhe më në fund shpresoj se do të për të qenë më aktivë në rajon, kjo është thelbësore”, tha Ministri Roth./Telegrafi/
The post Roth: Në vjeshtë mund të fillojnë bisedimet e Maqedonisë së Veriut me BE-në appeared first on Telegrafi.
