Afër 30 milionë euro qytetarët e Maqedonisë kanë harxhuar në shitoret online në tre muajt e parë të këtij viti, ndërsa vetëm 10.1 milionë euro në muajin mars.
Analiza e Asociacionit për e-tregti tregon se gjatë tre muajve të parë të vitit 2020, qytetarët e Maqedonisë me kartela vendore kanë shpenzuar gjithsej 28.9 milionë euro online, që paraqet rritje prej 17.9 milionë euro, sa i përket periudhës së njëjtë në vitin e kaluar, përcjell Telegrafi Maqedoni.
“Pandemia COVID-19 ndikoi në ndryshimin e shprehive të blerësve vendor. Ndikim në këtë gjithsesi ka pasur edhe mbyllja e kufijve dhe kompleksiteti që u paraqit në vonimin e dërgesave të prodhimeve të blerë nga jashtë, si dhe frika nga infektimi me virusin”, thuhet në analizë.
Nga Asociacioni thonë se të dhënat për rritjen e numrit dhe vlerës së transaksionit tregojnë se qytetarët gjithnjë e më shumë ju besojnë e-shitoreve, sidomos atyre vendore.
Ata shtojnë se vetëdija për e-tregtinë ka ndryshuar, ndërsa “bum” i vërtetë ka ndodhur në muajin mars./Telegrafi/
The post Qytetarët e Maqedonisë në mars kanë harxhuar 10.1 milionë euro në blerjet online appeared first on Telegrafi.