![](https://www.struga.info/wp-content/uploads/2020/04/north-macedonia-map.gif)
Gjatë ditës së djeshme ekipet e zjarrfikësve kanë ndërhyrë në gjithsej pesë zjarre, në ambinete të hapura, nga të cilat vetëm njëra është duke u menaxhuar si aktive deri në mëngjesin e sotëm – deri në njoftimin e ardhshëm nga terreni se është shuar, sipas njoftimit të Departamentin e Operacioneve dhe Koordinimit (DOK) në Qendrën për Menaxhimin e Krizave (QMK), të cilat janë pranuar nga institucionet kompetente në Sistemin e Menaxhimit të Krizave, sipas QMK.
“Deri sot në mëngjes ka vetëm një zjarr aktiv: në komunën e Dibrës, afër fshatit Krasnicë, në zonën e fshatit Gari, në malin Stogovë, ku digjej bari i lartë i thatë. Në mënyrë të veçantë, rreth orës 12:45 është marrë njoftim për zjarr në numrin e vetëm për thirrjet emergjente 112 në QMK. QMK Rajonale Dibër ka kontaktuar me NJTZ Dibër dhe NP “Pyjet Kombëtare” – filial “Stogovë” nga Dibra, si dhe me banorët që jetojnë në afërsi të vendit ku është vërejtur zjarri, dhe kanë marrë njoftim se zjarri ka rënë. ishte në terren të vështirë për t’u aksesuar dhe nuk ka rrezik për zgjerimin e tij. NP “Pyjet Kombëtare” – filial “Stogovë” nga Dibra njoftuan se gjatë ditës së djeshme nuk ka pasur mundësi të intervenohet, ndërsa gjatë ditës së sotme do të dërgojnë një ekip në terren”, bëjnë të ditur qendra.
Katër zjarret në natyrë, ku digjej bimësi e ulët, janë shuar në: Komunën e Mogillës, afër fshatit Ivanjevci; Komuna e Dollnenit, në mes të fshatrave Debreshtë dhe Lazhan; Komuna e Staro Nagoriçanit, afër fshatit Mllado Nagoriçan dhe në Komunën e Bogovinës në zonën e fshatit Urviç.
The post QMK: Ditën e djeshme është intervenuar në pesë zjarre, një zjarr aktiv në Dibër appeared first on Telegrafi.