Kryeministri, Zoran Zaev, priti fituesin e medaljes së argjendtë në Lojërat Olimpike Verore në Tokio në Taekvondo Dejan Georgievski, i cili u shoqërua nga trajnerët Darko Kostovski dhe Borçe Kostovski.
Kryeministri Zaev uroi olimpikun e argjendtë Georgievskin dhe e falënderoi për gëzimin që u solli qytetarëve të vendit nga Tokio.
Zaev theksoi se Dejan është shembull dhe model për të rinjtë se asgjë nuk është e paarritshme, madje edhe majat olimpike kur talenti shkon së bashku me angazhimin për rezultatet më të mira dhe këmbënguljen për të arritur.
Gjatë bisedës, kryeministri Zaev tha se suksesi i Georgievskit është një nxitje për Agjencinë për Rini dhe Sport për të përmirësuar kushtet për zhvillimin e taekvondos dhe disiplinave të tjera olimpike për të cilat ka interesim të gjerë tek të rinjtë.
Në seancën e 93 -të, Qeveria plotësoi vendimin për shpërblimin monetar për suksesin më të lartë olimpik të arritur dhe tani është më i lartë për 800.000 denarë dhe arrin në 2 milionë denarë nga Qeveria dhe 600.000 denarë nga Agjencia për Rini dhe Sport./Telegrafi/
The post Qeveria e RMV-së shpërblen me dy milionë denarë Dejan Georgievskin për suksesin në lojërat olimpike appeared first on Telegrafi.
