Qeveria konsideron se shumica e kërkesave të mediave dhe punonjësve mediatik, lidhur me reformat e paralajmëruara në media, në pjesën e ndryshimeve në Ligjin për Shërbimet Audio dhe Audiovizuale janë të pranueshme.
Ato do t’i mundësojnë Qeverisë që të zhvillojë një fushatë edukative dhe informuese për projekte me interes publik përmes radiodifuzerëve. Për Qeverinë, janë të pranueshme kërkesat për krijimin e një fondi të pavarur me një shumë prej 1.5 deri 2.5 milion euro në vit, për gazetari hulumtuese dhe për produksionin e përmbajtjes mediatike, me interes publik.
Nga Qeveria deklarojnë se do të aplikohen mekanizmat më të rreptë të kontrollit. Paketa së shpejti do të jetë në seancë qeveritare, dhe pritet të hyjë në procedurë parlamentare deri në fund të muajit.
Zgjidhja ligjore do t’i dërgohet gjithashtu Komisionit të Venecias.
The post Qeveria e RMV-së ka pranuar kërkesat e mediave për reformat e paralajmëruara appeared first on Telegrafi.