Liderët e tre vendeve nga iniciativa “Ballkan i Hapur”, Kryetari i Qeverisë së Republikës së Maqedonisë së Veriut, Zoran Zaev, Presidenti i Republikës së Serbisë, Aleksandar Vuçiq dhe Kryeministri i Republikës së Shqipërisë dhe nikoqir i Samitit, Edi Rama, së bashku me ekipet e tyre, sot në Tiranë nënshkruan pesë marrëveshje të cilat u paralajmëruan në “Ballkan i Hapur” në Shkup në korrik të këtij viti.
“Në Tiranë sot u nënshkruan si trepalëshe, mes Qeverive të Republikës së Shqipërisë, Republikës së Serbisë dhe Republikës së Maqedonisë së Veriut, Marrëveshja për kushte për qasje të lirë në tregun e punës në Ballkanin Perëndimor, Marrëveshja për ndërlidhjen e skemave për identifikimin elektronik të qytetarëve nga Ballkanit Perëndimor dhe Marrëveshja për bashkëpunim në fushën e veterinarisë, sigurisë ushqimore dhe politikave fitosanitare”
“Marrëveshja për kushte për qasje të lirë në tregun e punës në Ballkanin Perëndimor do t’u mundësojë qytetarëve të këtyre tre vendeve të lëvizin lirshëm dhe të punojnë në vendet nënshkruese të Marrëveshjes. Me dispozitat nga marrëveshja thjeshtohen procedurat për qasje të barabartë në tregun e punës në rajon sipas shembullit të BE-së, që është një hap më tepër drejt pranimit të vlerave dhe praktikave në Bashkimin Evropian”
“Me Marrëveshjen për ndërlidhjen e skemave për identifikimin elektronik të qytetarëve të Ballkanit Perëndimor u mundësohet qytetarëve të Maqedonisë së Veriut, Shqipërisë dhe Serbisë qasje në shërbimet elektronike në portalet nacionale të këtyre vendeve duke krijuar një identifikues elektronik “Ballkani i Hapur”, realizim të mundësisë për qasje në tregun e punës në të tre vendet, si dhe për shërbime të tjera në fushën e biznesit dhe fusha të tjera me interes të përbashkët për qytetarët e rajonit”
“Marrëveshja për bashkëpunim në fushën e veterinarisë, sigurisë ushqimore dhe politikën fitosanitare rregullon aspektet formale- ligjore të kësaj çështjeje dhe do të lehtësojë tregtinë me kafshë të gjalla, ushqimit dhe ushqimit të kafshëve me origjinë shtazore, jo shtazore dhe të përzier, bimë, produkteve bimore. dhe objekte të tjera”
“Marrëveshjet dypalëshe janë nënshkruar sot në Tiranë ndërmjet Qeverisë së Republikës së Maqedonisë së Veriut dhe Këshillit të Ministrave të Republikës së Shqipërisë, si dhe ndërmjet qeverive të Republikës së Shqipërisë dhe Republikës së Serbisë për njohjen reciproke të miratimeve për operatorin ekonomik të autorizuar. për siguri”, thuhet në njoftimi e shërbimi qeveritar për shtyp.
Sipas tyre, me këto marrëveshje vendoset bashkëpunim, bazuar në standardet e përbashkëta dhe njohjen reciproke të rezultateve të kontrolleve të realizuara, si dhe do të jenë një mjet për lehtësimin e tregtisë legale dhe parandalimin efektiv të tregtisë ilegale dhe parregullsive doganore në vendet nënshkruese të Marrëveshjes, por edhe më gjere dhe se këto marrëveshje sjellin më shumë përfitime siç është qasja më e lehtë dhe procedurat doganore më të thjeshta, reduktim i numrit të kontrolleve fizike dhe dokumentative nga autoritetet doganore, zgjedhje të vendit të kontrollit dhe përfitime të tjera direkte dhe indirekte.
“E gjithë kjo duhet të kontribuojë në arritjen e qëllimeve të bashkëpunimit rajonal siç janë zvogëlimi i kohës së zbatimit të procedurave doganore për mallra, zvogëlimi i kostove të importit dhe eksportit, rritja e konkurrencës dhe integrimi më i madh i kompanive maqedonase në tregjet nacionale, rajonale dhe evropiane”, tuet në fund të komunikatës./Telegrafi/
The post Qeveria e Maqedonisë tregon se çfarë është nënshkruar në Tiranë në kuadër të “Ballkanit të Hapur” appeared first on Telegrafi.