Zv.kryeministri i Maqedonisë së Veriut Artan Grubi, njofton se vendkalimet e përbashkëta kufitare në mes RMV-së dhe Kosovës së shpejti do të bëhen realitet.
Ai njofton se në seancën e sotme të Qeverisë së RMV-së është shqyrtuar dhe miratuar raporti për negociatat e realizuara dhe tekstin e përshtatur të Kontratës me Qeverinë e Republikës së Kosovës për pikat e përbashkëta kufitare “Bllacë – Han i Elezit” dhe “Jazhincë – Glloboçicë”.
“Lehtësojmë lëvizjen ndërkufitare me Republikën e Kosovës! Vendkalimet e përbashkëta kufitare së shpejti do të bëhen realitet! Në seancën e sotme të Qeverisë shqyrtuam dhe miratuam Raportin për negociatat e realizuara dhe tekstin e përshtatur të Kontratës me Qeverinë e Republikës së Kosovës për pikat e përbashkëta kufitare “Bllacë – Han i Elezit” dhe “Jazhincë – Glloboçicë”. Angazhuam Ministrinë e Punëve të Brendshme t’i qaset nënshkrimit të kësaj marrëveshje të rëndësishme”, shkruan Grubi.
Ndryshe, Maqedonia e Veriut kontroll të përbashkët kufitar më herët ka vendosur edhe me Shqipërinë dhe Serbinë./Telegrafi/
The post Qeveria e Maqedonisë së Veriut miraton vendimin, së shpejti “One stop shop” me Kosovën appeared first on Telegrafi.