Qeveria e Maqedonisë informon se për shkak të nevojës për harmonizim të dokumenteve teknike, sot nuk do të arrijnë vaksinat nga Serbia.
Sjellja e vaksinave nga Vuçiqi, që ishte paraparë për sot në kalimin kufitar Tabanoc, nuk do të bëhet.
“Ju informojmë se për shkak të nevojës për të harmonizuar dokumentacionin teknik në lidhje me shpërndarjen e vaksinave, ngjarja që u njoftua (11 shkurt 2021, e enjte), në vendkalimin kufitar Tabanoc shtyhet për një datë tjetër në ditët e ardhshme, për të cilën do të informojmë më tej”, thuhet në njoftimin e Qeverisë të lëshuar mbrëmë.
Vaksinat “Pfizer” që i ka siguruar Serbia për RMV-në, kanë pritur për disa javë për aprovim nga prodhuesi për të hyrë në vend. Sasia e tyre është 8000, me të cilat do të fillojë imunizimi edhe në RMV.
Përveç këtyre në Maqedoni pritet të arrijnë edhe 200 mijë doza të vaksinave kineze./Telegrafi/
The post Qeveria: Anulohet ardhja e vaksinave nga Serbia, duhet të harmonizohen dokumentet teknike appeared first on Telegrafi.
