Policia e Tetovës gjatë ditës së djeshme nga ora 22:00 deri në ora 00:00, me përdorimin e të ashtuquajturit “Radar i natës”, ka zbatuar kontrolle të përforcuara për dënimin tejkalimit të shpejtësisë në rrugën “Marshall Tito” në Tetovë.
Sipas njoftimit të policisë, gjatë kësaj periudhe janë zbuluar dhe dënuar 31 shoferë që kanë tejkaluar shpejtësinë. Në mesin e tyre ndodhet edhe një motoçiklist i cili është regjistruar me 160 kilometra në orë. Ndaj të gjithëve u është përgatitur gjoba.
“Janë gjobitur edhe nëntë kundërvajtje tjera, prej të cilave katër janë për vozitje pa leje vozitje”, thonë nga policia.
Ata shtojnë se këto kontrolle do të vazhdojnë edhe gjatë ditëve të ardhshme dhe ju bëjnë thirrje qytetarëve që t’i respektojnë rregullat në mënyrë që të kemi komunikacion më të sigurt./Telegrafi/
The post Policia me kontrolle të përforcuara në Tetovë: Motoçiklisti kapet me 160 kilometra në orë appeared first on Telegrafi.