Platforma e Organizatave Civile për Luftë Kundër Korrupsionit sot ka kërkuar nga presidenti i shtetit Stevo Pendarovski që të shfrytëzojë të drejtën e vetos të garantuar me Kushtetutë dhe të mos e nënshkruajë dekretin për shpalljen e ndryshimeve të Kodit Penal të miratuar nga Kuvendi gjatë ditës së djeshme.
Nga Platformë theksojnë se janë dy arsye pse presidenti Pendarovski ka për detyrë të përdorë veton.
“Arsyeja e parë është se me ndryshimet në nenet 353 dhe 353-c, ulja e propozuar e gjobave do të sjellë: vjetërsim të shumë lëndëve të profilit të lartë si “Titanik”, “Shënjestra/Fortesa”, “TNT”, “Titanik 2”, “Arka”, “Shkallët spanjolle”, “Trajektorja”, si dhe raste të tjera. Do të shkatërrojë besimin se lufta kundër korrupsionit është e mundur dhe do të demotivojë qytetarët të raportojnë korrupsionin. Do të zvogëlojë funksionimin e parandalimit të sistemit të të drejtës penale”.
“Arsyeja e dytë lidhet me mospërputhjet e procedurale, në të cilat ndryshimet në këto dy nene konsiderohen në një procedurë të veçantë dhe të shkurtër nën flamurin evropian, megjithatë sipas tabelave ekzistuese të korrespondencës nuk përputhen me të drejtën evropiane. Në këtë mënyrë luhen procedurat e shkurtuara dhe Kuvendi nuk përmbush detyrën e tij të këshillimit sipas normave që mbart”, thonë nga Platforma.
Kërkesa zyrtare me shkrim që i është dërguar presidentit Pendarovski, gjithashtu u është dërguar edhe përfaqësuesve të organizatave të shoqërisë civile, anëtare të Platformës.
The post Platforma e Organizatave Kundër Korrupsionit kërkon që Pendarovski të vendos veto ndaj ndryshimeve në Kodin Penal appeared first on Telegrafi.
