“Me pjesmarrjen e mbi 60 pjesatarëve të Armatës në NATO në misionin e KFOR-it në Kosovë, kontribuam në sigurinë rajonale dhe jemi të përkushtuar fuqishëm në vlerat e Aleancës si aleate kredibile”, tha ministrja e Mbrojtjes, Sllavjanka Petrovska në takimin e sotëm me Stuard Peach, Përfaqësues Special i Mbretërisë së Bashkuar për Ballkanin Perëndimor.
Siç njoftojnë nga Ministria e Mbrojtjes, Peach si njohës i mirë i Ballkanit Perëndimor dhe ish-kryesues i Komitetit Ushtarak të Aleancës ka shprehur kënaqësi që Maqedonia e Veriut për më shumë se 1 vit e gjysmë është anëtare e plotë e NATO-s.
Ai përshëndeti faktin që Maqedonia e Veriut përfundoi integrimin ushtarak për vetëm 19 muaj, që sipas Ministrisë së Mbrojtjes, është integrimi rekord në historinë e NATO-s.
“Ministrja Petrovska dhe Përfaqësuesi Special i Mbretërisë së Bashkuar në takim biseduan edhe për bashkëpunimin bilaterale mes dy vedneve dhe janë pajtuar se është e dobishme për dy vendet”, thuhet në fund të njoftimit të Ministrisë së Mbrojtjes./Telegrafi/
The post Petrovska – Peach: Me anëtarësimin e Maqedonisë së Veriut në NATO, Ballkani është më i sigurt dhe më stabil appeared first on Telegrafi.
