Bllagica Petreski, drejtoreshë ekzekutive e “Finance Think” tha se bojkoti i marketeve është një lloj presioni që pritet të japë rezultate sepse çmimi i produkteve formohet në bazë të ndikimit të kërkesës.
Petreski për “TV24” tha se ngrirja e çmimeve në periudha të caktuara prodhon efekte afatshkurtra që çojnë në ringritje ose kthim të çmimeve të produkteve.
“Bojkoti duhet të jetë një sinjal si për furnitorët ashtu edhe për marketet sepse blerësit kanë një mekanizëm që mund të ndikojë në kërkesën e përgjithshme, kështu që ndoshta bojkoti mund të synohet te shitësit me pakicë të cilët janë identifikuar si lojtarë të padrejtë të tregut në vend që të jenë gjithëpërfshirës,” tha Petreski.
Ajo tha se përkundër bojkotit, ne kemi ende disa mekanizma që mund t’i përdorim. Një prej tyre është ligji për praktikat e padrejta tregtare, që sipas saj është ndoshta mjeti më i mirë për të parandaluar fenomene të tilla./Telegrafi/
The post Petreski: Bojkoti i marketeve është një lloj presioni që pritet të japë rezultate appeared first on Telegrafi.
