Gjykimi i përsëritur për zjarrin në spitalin modular të Tetovës është shtyrë sërish, për herë të tretë.
Ndryshe, Gjykata e Apelit në Gostivar e ktheu procesin në rigjykim pas seancës publike në prill të vitit 2024, dhe pas aktgjykimit fillestar të 5 qershorit 2023.
Seanca sot është shtyrë për shkak të mungesës së gjyqtarit Jordan Velkovski dhe gjyqtari zëvendësues e ka caktuar për 15 janar 2025 në ora 10:00.
Përpjekja e parë për rigjykim ishte më 26 qershor të këtij viti, por u shty për 25 shtator, por edhe ajo seancë nuk u mbajt.
Gjykata e Apelit në prill të këtij viti ka marrë aktvendim me të cilin urdhërohet rigjykim për ish-drejtorët e Spitalit të Tetovës, Florin Besimi dhe Artan Etemi, si dhe Spitalin Klinik të Tetovës si person juridik.
Për mjekun Boban Vuçevskin, Gjykata e Apelit në prill të vitit 2024 e ka refuzuar ankesën e Prokurorisë dhe e ka konfirmuar lirimin për të./Telegrafi/
The post Për herë të tretë anulohet rigjykimi për zjarrin në Spitalin Modular në Tetovë appeared first on Telegrafi.