“Gjermania ishte dhe do të jetë partner i besueshëm i Maqedonisë së Veriut do të vazhdojë ta mbështesë me të gjitha forcat”, tha sot ambasadorja e re gjermane në Shkup, Anke Gizela Holshtajn, në dorëzimin e letrave akredituese tek presidenti Stevo Pendarovski.
Ambasadorja Holstein, tha se Maqedonia e Veriut në vitet e kaluar ka bërë hapa të rëndësishëm në rrugën e integrimeve euroatlantike, përcjell Telegrafi Maqedoni.
“Anëtarësimi në NATO, marrëveshjet e rëndësishme me vendet fqinje Greqinë dhe Bullgarinë dhe së fundi drita e gjelbër për nisjen e negociatave me BE-në, janë suksese për të cilat ju uroj me gjithë zemër”, tha ambasadorja.
Ndërsa presidenti Pendarovski, duke i uruar mirëseardhje ambasadores, tha se Maqedonia e Veriut dhe Gjermania çdo herë kanë ndërtuar marrëdhënie miqësore dhe partneriteti.
Pendarovski e falënderoi ambasadoren e re për ndihmën gjermane për Maqedoninë e Veriut në luftën ndaj pandemisë COVID-19./Telegrafi/
The post Pendarovski-Holstein: Gjermania mbetet partner i besueshëm i Maqedonisë së Veriut appeared first on Telegrafi.