Presidenti Stevo Pendarovski sot ka konfirmuar se para disa ditësh është paraqitur në ueb faqen për vaksinim duke shtuar se do të vaksinohet sipas planit shtetëror të publikuar nga Ministria e Shëndetësisë.
Ai thotë se nuk do ta zgjedhë vaksinën dhe do ta merr atë që do të jetë e mundur në momentin kur do t’i vijë radha.
“Kuptohet se do të vaksinohem me vaksinën që do të jetë e kapshme në atë moment. Këtë e them pasi ekzistojnë kontroverse për lloje të ndryshme të vaksinave dhe mund t’ju siguroj se gjithçka që është miratuar në vendin tonë nga autoriteti dhe pushteti kompetent është e verifikuar”.
“Të gjitha vaksinat që janë importuar dhe aplikohen për qytetarët tanë janë 100 për qind të kontrolluara si të vaksinoheni në cilindo shtet evropian”, deklaroi Pendarovski duke u përgjigjur në pyetjen e gazetarëve në promovimin e sotëm të pullës postare me rastin e 100 vjetorit nga lindja e Bllazhe Koneskit.
Ai shtoi se nuk ka nevojë për dyshime pasi dikush vaksinohet me vaksinë të caktuar, sepse pretendohet se ka qenë më e sigurt nga tjerat./Telegrafi/
The post Pendarovski: Do të vaksinohem kur të vijë radha, pa e zgjedhur vaksinën appeared first on Telegrafi.