Ministri i Punëve të Jashtme, Bujar Osmani, vlerësoi se ka mundësi serioze për zgjidhjen e mosmarrëveshjes me Bullgarinë deri në fund të vitit.
Ministri i Jashtëm theksoi se do të jetë thelbësore nëse ka një palë në Bullgari që do të diskutojë këto çështje.
“Mendoj se ka dritare serioze të mundësive për të zgjidhur mosmarrëveshjen deri në fund të këtij viti dhe të gjithë janë të angazhuar. Dritaret janë para dhe pas zgjedhjeve tona, shtator, tetor dhe dhjetor, dhe mendojmë se ka një shans për të gjetur një zgjidhje.
Sidoqoftë, nuk dua të jem i lidhur me datat sepse shoqëria jeton sipas atyre afateve dhe nga ato shpresa dhe zhgënjime të datave dhe afateve”, tha Osmani.
Ministri theksoi se për momentin është e rëndësishme të krijohen institucione në Bullgari në mënyrë që të kemi një dialog që do të japë rezultate./Telegrafi/
The post Osmani: Mund të gjejmë zgjidhje me Bullgarinë appeared first on Telegrafi.