Në seancën e sotme të Qeverisë, Ministri për Çështje Evropiane, Orhan Murtezani, u emërua si Kryenegociator me Bashkimin Evropian për anëtarësimin e Republikës së Maqedonisë së Veriut në Bashkimin Evropian, ndërkaq zëvendëse e kryenegociatorit u emërua Zëvendësministrja për Çështje Evropiane, Viktoria Trajkov.
Në këtë seancë, Ministria për Çështje Evropiane gjithashtu u ngarkua për përgatitjen e Vendimit të ri për vendosjen e strukturës për negociata për aderimin e Republikës së Maqedonisë së Veriut në Bashkimin Evropian.
“Është privilegj të punoj për të ardhmen evropiane dhe standardin e jetesës së bashkëqytetarëve të mi krah për krah me partnerët tanë strategjikë. Në seancën e sotme të Qeverisë u emërova si Kryenegociator me Bashkimin Evropian, detyrë që unë e marr me shumë përgjegjësi dhe nder.
Rruga jonë mund të jetë e gjatë, por destinacioni është përfundimtar. Ne jemi BE! “, ka shkruar Murtezani pas emërimit.
The post Orhan Murtezani u emërua kryenegociator i RMV-së me BE-në appeared first on Telegrafi.