Anëtari i Komitetit Ekzekutiv të OBRM-PDUKME-së, Dragan Kovaçki deklaroi se sot në Prokurorinë Themelore Publike ka dorëzuar tre padi penale, dy kundër ministres aktuale të mbrojtjes, Radmilla Sheqerinska, dhe një kundër një personi udhëheqës në Ministrinë e Mbrojtjes.
“Kjo është hera e parë në historinë moderne të Maqedonisë, ministër aktual i mbrojtjes, në këtë mënyrë joligjore dhe joprofesionale, ta keqpërdorë pozitën e saj dhe përmbajtje nga dokumente të klasifikuara ti shfrytëzon kryesisht për promovimin e saj, dhe atë partiak”, deklaroi Kovaçki.
Sipas tij, Shekerinska e cënon sigurinë, por edhe shtetin në përgjithësi me faktin që jep informacione të cilët janë të një rëndësie vitale për mbrojtjen.
“Vlerësojmë se kjo marrëdhënie e vazhdueshme joligjore ndaj informacioneve të klasifikuara nga ana e një ministri aktual i mbrojtjes e cila paguhet dhe në bazë të ligjit është e obliguar ti ruaj dhe mbrojë informatat e klasifikuara, është e papranueshme dhe kërkojmë nga PTHP që menjëherë të vepron në bazë të autorizimeve të saja ligjore dhe të ngritë procedurë para gjykatës kompetente”, thotë anëtari i Komitetit Ekzekutiv të OBRM-PDUKM-së.
Nga kjo parti kërkojnë përgjegjësi dhe dorëheqje nga Sheqerinska./Telegrafi/
The post OBRM-PDUKM dorëzoi kallëzim penal kundër ministres Sheqerinska appeared first on Telegrafi.
