Gjatë 24 orëve të kaluara, janë regjistruar regjistrohen 126 raste të reja me Covid-19 në vend, duke përfshirë një të porsalindur dhe nënën e tij nga Shtipi, si dhe katër infermiere dhe tre motra medicinale nga Reparti gjinekologjik dhe obstetrik i Prilepit.
Për shkak të rritjes së numrit të të infektuarve të rinj gjatë ditëve të fundit, vendi nuk i plotëson kriteret epidemiologjike të Bashkimit Evropian dhe kufijtë mbeten të mbyllur për qytetarët e Maqedonisë së Veriut.
Sipas vendimeve të BE-së, Greqia ka vazhduar ndalimin e hyrjes në territorin e saj për shtetasit e Maqedonisë së Veriut, kështu që edhe pse vendkalimi kufitar “Evzoni” do të hapet sot, kalimet do të lejohen vetëm për arsye thelbësore, pra për familjarët e shtetasve evropianë të punësuar në sektorin shëndetësor, personat që kujdesen për të moshuarit, punëtorët sezonal në sektorin e bujqësisë, punëtorët e transportit, diplomatët, personelin ushtarak ndërkombëtar, punëtorët humanitarë në detyrë, udhëtarët transit, udhëtarët që udhëtojnë për arsye të nevojshme familjare, studentët. Rishikimi i vendimit u paralajmërua për 15 ditë bazuar në gjendjen epidemiologjike.
Më shumë nga të infektuarit e rinj me coronavirus janë nga Shkupi edhe atë 66, më pas: Kumanovë-6, Shtip-15, Prilep-3, Tetovë-19, Strugë-2, Veles-2, Manastir-1, Kavadar-4, Gostivar-2, Probishtip-2, Shën Nikollë-1, Resnjë-3. Kanë vdekur katër pacientë, nga një në Shkup, Prilep, Tetovë dhe Gostivar.
Instituti për Shëndet Publik ka regjistruar 48 pacientë të shëruar nga: Shkupi43, Shtipi-1, Manastiri-1, Resnja-3, kumtoi Ministria e Shëndetësisë. Numri i përgjithshëm i personave të diagnostikuar me Kovid-19 nga fillimi i epidemisë arrin 6.334, numri i pacientëve të shëruar është 2.475, të vdekur janë 302, ndërsa për momentin numri i rasteve aktive në vend është 3.557./Telegrafi/
The post Numër i lartë i rasteve të reja, BE nuk rekomandon hapjen e kufijve me Maqedoninë e Veriut appeared first on Telegrafi.
