Nuk planifikohet asnjë masë kufizuese nga e hëna e andej, edhe përkundër numrave të lartë të të infektuarve të rinj me coronavirus.
Ministri i Shëndetësisë Venko Filipçe, nuk paralajmëroi vazhdim të orës policore, edhe pse la rezerva se deri në javën e ardhshme, ky vendim mund të ndryshojë, përcjell Telegrafi Maqedoni.
“Për momentin asnjë masë kufizuese nuk planifikohet nga e hëna, por gjithsesi duhet të presim”, tha Filipçe, i cili njoftoi se do të analizohen rastet e reja.
Ai u shpreh i bindur se autoritetet shëndetësore me sukses janë duke menaxhuar edhe me valën e re të coronavirusit.
Filipçe tha se edhe 180 rastet e sotme janë në kuadër të klasterëve të njohur, të cilat tregojnë se pozitiv me virusin janë 15 familje./Telegrafi/
The post Nuk planifikohet vendosje e kufizimeve pas të hënës në Maqedoni appeared first on Telegrafi.