Zv. ministri i Arsimit dhe Shkencës, Agim Nuhiu pret që koncepti i arsimit dual të shtrihet edhe në arsimin e lartë.
Siç njofton Ministria e Arsimit, Nuhiu në një ngjarje në Fakultetin e Bujqësisë në Shtip është shprehur i kënaqur që institucionet arsimore në vend gjithnjë e më shumë po krijojnë marrëdhënie të mira me kompanitë, të cilat bëhen pjesëmarrëse në procesin arsimor, duke e forcuar komponentin – trajnim praktik.
“Sinqerisht shpresoj se ky koncept do të zgjerohet, do të reflektohet në arsimin e lartë dhe do të mundësojë vazhdimësinë e arsimit praktik cilësor, i cili tashmë është në dispozicion të nxënësve të shkollave të mesme, nëse vendosin të përmirësohen në aspektin akademik”, theksoi Nuhiu.
Nuhiu falënderoi Qeverinë e Zvicrës për mbështetjen e trajnimit të mentorëve, si dhe për ndihmën në zhvillimin e konceptit të arsimit të dyfishtë në shkollat e mesme profesionale në vend, ku fokusi është në mësimin praktik në kompani./Telegrafi/
The post Nuhiu: Koncepti i arsimit të dyfishtë duhet të shtrihet edhe në fakultete appeared first on Telegrafi.