Pasi mbarojë gjendja e jashtëzakonshme, fushata zgjedhore për zgjedhjet e parakohshme parlamentare duhet të zgjatet, sipas legjislacionit. Nëse zgjedhjet mbahen më 5 korrik, sipas afateve, fushata zgjedhore duhet të fillojë sot, pra 20 ditë para ditës së votimit, përcjell Telegrafi Maqedoni.
Qeveria ka udhëzuar tashmë institucionet përkatëse që të vazhdojnë procesin e zgjedhjeve, i cili u pezullua për shkak të krizës së me coronavirusin dhe shpalljes së gjendjes së jashtëzakonshme. Të gjitha udhëzimet e qeverisë parashikojnë përgatitjet për zgjedhjet e 5 korrikut.
LSDM në pushtet dhe opozita OBRM-PDUKM, përkundër takimeve të liderëve të partive, ende nuk mund të bien dakord për një datë të zgjedhjeve.
Për LSDM-në, termat e pranueshëm janë 5 ose 8, ndërsa OBRM-PDUKM insiston në 15 korrikun. Të dyja palët mbeten në qëndrimet e tyre.
Autoritetet thonë se zgjedhjet duhet të mbahen sa më shpejt të jetë e mundur për të rivendosur institucionet e drejta të plota dhe legjitimitetin dhe të merren më mirë me krizën shëndetësore dhe ekonomike të shkaktuar nga Coyd-19. /Telegrafi/
The post Nëse ka zgjedhje më 5 korrik, sot duhet të filloj fushata zgjedhore appeared first on Telegrafi.