Gjatë pasdites është rritur dalja e qytetarëve të cilët votojnë në vendvotimin 0543, ku ka rivotim.
“Deri ora 15:00, të drejtën e votës e shfrytëzuan 400 qytetarë që është 51.4 për qind nga gjithsej 777 të regjistruar. Krahasuar me rrethin e parë, dalja është më e madhe për 22.6%”, tha Rilind Hasa, kryetar i Këshillit Zgjedhor Komunal.
Ai shtoi se më 17 tetor në këtë vendvotim deri ora 15:00 votuan 224 persona ose 28.8% nga gjithsej personat e regjistruar.
Sipas tij, votimi po zhvillohet pa probleme dhe me respektim të rregullave për mbrojtje nga coronavirusi.
Ndryshe, në këtë vendvotim i cili ndodhet në gjimnazin e qytetit, përsëritet votimi edhe për kryetar komune./Telegrafi/
The post Në vendvotimin 0543 në Dibër deri në ora 15:00 kanë votuar 51.4 për qind e votuesve appeared first on Telegrafi.