Ka përfunduar rrethi i dytë i zgjedhjeve lokale, të cilat kryetari i Komisionit Shtetëror të Zgjedhjeve Aleksandar Dashtevski, i vlerësoi si të suksesshme.
KSHZ i ka publikuar rezultatet e para jozyrtare, sipas të cilave në rrethin e dytë, OBRM ka fituar në 20 komuna, LSDM në shtatë, BDI në shtatë, Aleanca për Shqiptarët/Alternativa dhe Lëvizja Besa kanë fituar nga dy komuna, ndërsa nga një komunë kanë fituar PDSH, GROM dhe koalicioni PLD/RDM, përcjell Telegrafi Maqedoni.
Në rrethin e dytë ka fituar edhe kandidatja e pavarur për Bashkinë e Shkupit, Danella Arsovska, e cila është mbështetur nga OBRM-PDUKM. Ndërsa kandidat i pavarur ka fituar edhe në Kumanovë, gjegjësisht Maksim Dimitrievski.
Rezultatet përfundimtare, siç kanë paralajmëruar nga KSHZ, do të publikohen gjatë ditës së sotme./Telegrafi/
The post Në rrethin e dytë OBRM-PDUKM ka fituar në 20 komuna, LSDM në shtatë appeared first on Telegrafi.