Në 24 orët e kaluara, 41 pacientë të rinj u shtruan në Qendrat kovide në Shkup për shkak të ndërlikimeve nga coronavirusi. Gjithsej 445 persona të dyshuar ose të konfirmuar për COVID-19 po trajtohen në repartet e sëmundjeve infektive në kryeqytet, njofton Telegrafi Maqedoni.
“Në 24 orët e fundit, kishte gjithsej 19 pranime në klinikat e interne dhe gjashtë pacientë u shtruan në spital në Institutin për Sëmundjet e Mushkërive dhe TBC, tre në Qendrën Covid të Klinikës së Neurologjisë, një pacient u shtrua në Klinikën e Nefrologjisë dhe katër nga Klinika e Sëmundjeve të Syrit.
Janë regjistruar 13 pranime të reja të pacientëve në Qendrën Covid në spitalin “8 Shtatori”, ndërsa dje 9 në Klinikën e Sëmundjeve Infektive.
Në 24 orët e kaluara, 33 pacientë të shëruar janë lëshuar për në shtëpi”, thuhet në raportin e Ministrisë së Shëndetësisë.
Nga atje thonë se për momentin, 20 pacientë po trajtohen në Klinikën e Lëkurës në Qendrën Covid, 31 pacientë në Klinikën e Neurologjisë dhe gjithsej 46 pacientë me simptoma të ckoronavirusit janë pranuar në Institutin TBC, në Klinikën e Syve 15 pacientë dhe në ENT 26 pacientë.
G”jithsej 103 pacientë janë në “8 Shtator”, 146 pacientë në Klinikën për Sëmundje Infektive, ndërsa në Institutin për Sëmundjet e Mushkërive në Fëmijët në Kozle ka 33 pacientë, nga të cilët 8 fëmijë dhe 25 të rritur.
Gjithsej 445 pacientë të konfirmuar ose të dyshuar për COVID-19 po trajtohen në departamentet e sëmundjeve infektive të spitalet e kryeqytetit. Shumë prej tyre janë në mbështetje të oksigjenit”, thonë nga Ministria e Shëndetësisë./Telegrafi/
The post Në Qendrat kovide në Shkup janë pranuar 41 pacientë, po trajtohen gjithsej 445 pacientë appeared first on Telegrafi.
