Kuvend i Maqedonisë së Veriut do ketë një “dhomë të mbrojtur” që do të ndihmojë edhe në mbikëqyrjen e shërbimeve sekrete.
Është një dhomë e veçantë e siguruar nga ndërhyrjet e jashtme dhe përpjekjet për përgjim, si dhe nga mundësia e rrjedhjes së informacionit konfidencial. Pas 7 vitesh nga marrëveshja fillestare që ka nevojë për një dhomë të tillë, më në fund ka përfunduar dhe është vënë në përdorim.
Është një dhomë, pjesë e godinës së Kuvendit, e ndërtuar sipas standardeve dhe protokolleve të veçanta të sigurisë. Shumica qeverisëse dhe opozita, si në përbërjen e mëparshme ashtu edhe tani, ndryshe nga rastet e tjera, bashkëpunuan për përfundimin me sukses të projektit.
“Me dhomën e mbrojtur është krijuar një atmosferë dhe hapësirë e sigurt ku do të trajtohen informacionet e klasifikuara të shkallës më të lartë të konfidencialitetit pa rrezikun e rrjedhjes së informacionit”, tha deputeti nga OBRM-PDUKM, Nikolla Micevski.
Këtë vendim e përshëndeti edhe Oliver Spasovski nga LSDM-ja./Telegrafi/
The post Në Kuvend do të ketë një “dhomë të mbrojtur” ku do të ruhen dokumentet e klasifikuara appeared first on Telegrafi.
